យករដ្ឋមន្ត្រីនាបង្ហើបថា យប់មិញសព្វាវុធរាប់ពាន់តោន ដឹកមកដល់កម្ពុជា

យករដ្ឋមន្ត្រីនែព្រះរាជាណាចក្រកម្ពុជា 

ភ្នំពេញ៖ សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានបង្ហើបឲ្យដឹងថា កាលពី​យប់ថ្ងៃទី២៧ ខែកុម្ភៈ ឆ្នាំ២០១៨ សព្វាវុធរាប់ពាន់តោន ដែលដឹកតាមកុងតឺន័រ បានមកដល់​កម្ពុជា សម្រាប់ជាមធ្យោបាយការពារប្រទេសជាតិ ។

ក្នុងឱកាសអញ្ជើញសំណេះសំណាល ជាមួយកម្មករ-កម្មការិនី នៅស្រុកសំរោងទង ខេត្ត​កំពង់ស្ពឺ នាព្រឹកថ្ងៃទី២៨ ខែកុម្ភៈ ឆ្នាំ២០១៨នេះ សម្ដេចតេជោ ហ៊ុន សែន បានមានប្រសាសន៍​ថា សម្ដេចពិជ័យសេនា ទៀ បាញ់ បានធ្វើការដឹកជញ្ជូនសព្វាវុធនេះ ។ សម្ដេចថា សម្ដេច​និយាយប៉ុណ្ណឹង អ្នកទាំងអស់គ្នា ប្រាកដជាដឹងហើយ មិនដែលរដ្ឋមន្ត្រីការពារជាតិ​ទៅដឹកជញ្ជូនផ្កាទេ គឺដឹកគ្រាប់ និងកាំភ្លើងហើយ ។

សម្ដេចតេជោបញ្ជាក់ថា “សូមទោសខ្ញុំប្រើពាក្យនិយាយថា ទំនិញពិសេស ដែលហៅថា ទំនិញពិសេស គឺមិនឲ្យអ្នកណាដឹងថា ជាអ្វីទេ ប៉ុន្តែក៏មិនមែនជាគ្រឿងញៀនដែរ មិនមែន​ជាគ្រឿងញៀនទេ ព្រោះដឹកសុទ្ធតែកុងតឺន័រនោះ ប៉ុន្មានពាន់តោន ចូលដល់ម៉ឺនតោន ចឹងទេគ្រឿង​ញៀន វាមិនអាចដឹកអាហ្នឹងបានទេ វាច្បាស់ជាស្អីហើយ ។ ប៉ុន្តែប្រទេសមួយ ត្រូវតែមានមធ្យោបាយការពារជាតិរបស់ខ្លួន” ។

សម្ដេចបន្ថែមថា មានអ្នកខ្លះក៏បានលួចដឹងខ្លះៗហើយ ព្រោះកាលពីយប់មិញ ការដឹក​ជញ្ជូននេះ មានកុងតឺន័រខ្លះវែងលើស (ខុសបច្ចេកទេស) ត្រូវបានឃាត់ចូលកន្លែង​ត្រួតពិនិត្យបច្ចកទេសរួចក៏ចេញមកវិញ ។ សម្ដេចថា ព្រោះមិនអាចប្រាប់ថា ក្នុងនោះមាន​ដឹកសុទ្ធតែគ្រាប់ធំៗ បានទេ ៕

យករដ្ឋមន្ត្រីនែព្រះរាជាណាចក្រកម្ពុជា