ហេតុអ្វីឪពុកម្តាយជនជាតិជប៉ុនហ៊ានបណ្តោយអោយកូនតូចខ្លួនធ្វើដំណើរទៅរៀនខ្លួនឯងអញ្ចឹង?

Japan schll children

រឿងរ៉ាវម្យ៉ាងរបស់ឪពុកម្តាយជនជាតិជប៉ុន ដែលធ្វើអោយឪពុកម្តាយជនជាតិដទៃទៀត នាំគ្នាស្ងើចសរសើរ និងហួសចិត្តគ្រប់គ្នា ព្រោះតែពួកគេមិនចង់ជឿថា ជនជាតិជប៉ុននេះបណ្តោយកូនរបស់ខ្លួនដែលមានអាយុមិនទាន់ដល់១០ឆ្នាំផង អោយធ្វើដំណើរទៅសាលារៀន និងត្រលប់មកផ្ទះវិញដោយខ្លួនឯង។

ប៉ុន្តែ តើហេតុអ្វីឪពុកម្តាយជនជាតិជប៉ុនហ៊ានបណ្តោយអោយកូនតូចខ្លួនធ្វើដំណើរទៅរៀនខ្លួនឯងអញ្ចឹង? ខាងក្រោមនេះគឺជាហេតុផលធំៗដែលជម្រុញអោយពួកគេសម្រេចចិត្តហ៊ានបណ្តោយបែបនេះ៖

ឪពុកម្តាយជនជាតិជប៉ុនហ៊ានបណ្តោយអោយកូនតូចខ្លួនធ្វើដំណើរទៅរៀនខ្លួនឯង

១. សន្តិសុខល្អ

សន្តិសុខនៅប្រទេសជប៉ុន ត្រូវបានគេចាត់ទុកជាប្រទេសដែលមានសុវត្ថិភាពបំផុតនៅក្នុងការរស់នៅ និងដើរហើរ ពោលអ្នកមិនចាំបាច់បារម្មណ៍បញ្ហាចាប់ជម្រិត ឆក់ប្លន់ រឺយ៉ាងណានោះទេ។ នៅតាមដងផ្លូវតូចធំសុទ្ធតែបំពាក់អោយប្រព័ន្ធកាម៉េរាសុវត្ថិភាព និងប៉ូលីសដើម្បីយាមអង្កត។ ដូច្នេះហើយទើបឪពុកម្តាយជប៉ុនហ៊ានបណ្តោយអោយកូនរបស់ខ្លួនទៅណាមកណាតែឯង។

ឪពុកម្តាយជនជាតិជប៉ុនហ៊ានបណ្តោយអោយកូនតូចខ្លួនធ្វើដំណើរទៅរៀនខ្លួនឯង

២. ប្រជាជនចេះជួយគ្នា

ការបណ្តោយអោយកូនក្មេងធ្វើដំណើរតែម្នាក់ឯងអាចជារឿងមានគ្រោះថ្នាក់ ព្រោះតែពួកគេងាយស្រួលវវ្វេងផ្លូវ។ ប៉ុន្តែសម្រាប់ប្រទេសជប៉ុន ប្រជាជនពួកគេមានការជួយគ្នាសម្បើមណាស់ ពោលគឺប្រសិនជាពួកគេឃើញមានក្មេងណាដើរម្នាក់ឯងដូចជាវវ្វេងផ្លូវ ពួកគេនឹងរាយការណ៍ដល់សមត្ថភាពភ្លាមៗ។

ឪពុកម្តាយជនជាតិជប៉ុនហ៊ានបណ្តោយអោយកូនតូចខ្លួនធ្វើដំណើរទៅរៀនខ្លួនឯង

៣. ប្រព័ន្ធយាន្តគមនាគមន៍មានគ្រប់គ្រាន់

ប្រព័ន្ធបណ្តាញគមនាគមន៍របស់ប្រទេសជប៉ុន គឺមានភាពជឿនលឿនបំផុត ដូច្នេះហើយក្មេងទាំងនោះអាចធ្វើដំណើរតាមវាជាទម្លាប់ប្រចាំថ្ងៃ ដោយមិនខ្លាចវវ្វេងនៅក្នុងការរកយាន្តជំនិះអ្វីធ្វើដំណើរនោះទេ។

ឪពុកម្តាយជនជាតិជប៉ុនហ៊ានបណ្តោយអោយកូនតូចខ្លួនធ្វើដំណើរទៅរៀនខ្លួនឯង

៤. គ្មានជម្រើស

ការដែលឪពុកម្តាយជប៉ុនសម្រេចចិត្តធ្វើបែបនេះផងនោះ គឺដោយសារតែពួកគេពុំមានជម្រើស។ ការងារពួកគេច្រើនរាប់មិនអស់ ដែលមិនអាចអោយពួកគេចំនាយពេលទៅជូនកូនរបស់ខ្លួនទៅសាលា និងមកផ្ទះនោះទេ។ ដូច្នេះចង់រឺមិនចង់ ពួកគេត្រូវតែធ្វើបែបនេះ៕

ឪពុកម្តាយជនជាតិជប៉ុនហ៊ានបណ្តោយអោយកូនតូចខ្លួនធ្វើដំណើរទៅរៀនខ្លួនឯង