skip to main |
skip to sidebar
រាជធានីភ្នំពេញ ៖ សេចក្តីរាយការណ៍បឋមឱ្យដឹងថា មានការភ្ញាក់ផ្អើលមួយ ខណៈមានករណីឃាតកម្មសម្លាប់នារីជាសង្សាររបស់ខ្លួនក្នុងបន្ទប់ជួល ។ ហើយជនជនសង្ស័យក្រោយធ្វើសកម្មភាព មិនបានគេចខ្លួននោះទេ សុខចិត្តសំងំនៅក្នុងបន្ទប់កើតហេតុខាងលើនោះ ហើយក៏បានដឹងដល់កម្លាំងសមត្ថកិច្ចចុះឃាត់ខ្លួនបានតែម្តង ។ ហេតុការណ៍នេះ កើតឡើងនៅមុននេះ នាព្រឹកថ្ងៃទី០៧ មីនា ស្ថិតក្នុងបន្ទប់ជួលមួយកន្លែង ក្នុងភូមិ៣ សង្កាត់ស្ទឹងមានជ័យ៣ ខណ្ឌមានជ័យ ។
សេចក្តីរាយការណ៍បន្តថា នារីដែលស្លាប់ខាងលើ ឈ្មោះ នង ចន្ទ្រា អាយុ២៤ឆ្នាំ ជាកម្មការនីរោងចក្រ មានស្រុកកំណើត ភូមិអាស្ទាំង ឃុំអង្គររាជ ស្រុកព្រះស្តេច ខេត្តព្រៃវែង។ ដោយឡែកជនសង្ស័យឈ្មេាះ សែម សែន អាយុ២៣ឆ្នាំ មុខរបរមិនពិតប្រាកដ មានស្រុកកំណើតស្រុកក្រគរ ខេត្តពោធិ៍សាត់ ពេលឃាត់ខ្លួនជននេះមិននិយាយស្តីអ្វីទាំងអស់ ហាក់ដូចជាមនុស្សសតិមិនប្រក្រតី ឬក៏បែកថ្នាំម្នាក់ ។
ទោះបីជាយ៉ាងណា សមត្ថកិច្ចជំនាញនៅមិនទាន់កំណត់ថា ជនសង្ស័យរូបនេះ បានសម្លាប់នារីជាសង្សារតាមវិធីណា ទ ប៉ុន្តែសាកសព គឺមានសភាពបែកពពុះមាត់ ។ ទាក់ទិនករណីនេះដែរ ត្រូវបានអ្នកជិតខាងឱ្យដឹងថា ទាំង២ជាសង្សារនឹងគ្នា តែធ្លាប់បែកគ្នាម្តងហើយ ។ ប៉ុន្តែមួយរយៈក្រោយ គេឃើញពួកគេត្រូវរ៉ូវគ្នាវិញ គ្រាន់តែមិនបានស្នាក់នៅក្នុងបន្ទប់ជាមួយគ្នាទេ ។
ប្រភពបន្តថា កាលពីយប់ថ្ងៃទី០៦ មីនា គេឃើញខាងប្រុសបានមកទាក់ទងខាងស្រី រួចក៏បាត់ខ្លួនរហូត ។ លុះនៅព្រឹកនេះ ម្ចាស់ផ្ទះជួលអត់ឃើញនារីរងគ្រោះងើបទៅធ្វើការ ក៏ឡើងទៅមើលដល់ក្នុងបន្ទប់ ទើបភ្ញាក់ផ្អើលរឿងនេះតែម្តង ។
ឃាតកម្មសម្លាប់សង្សារទៀតហើយ តែអត់គេចខ្លួនទេនៅសំងំជាមួយសាកសព
Reviewed by
Komsan4KhmerHD
on
March 10, 2018
Rating:
5
