សណ្ឋាគារជម្រៅ៩០ម៉ែត្រក្នុងដីលើកដំបូងក្នុងលោកស្ថិតនៅប្រទេសចិន
សណ្ឋាគារអន្តរជាតិ The Shimao Wonderland ដែលបច្ចុប្បន្នកំពុងស្ថិតក្រោមការសាងសង់នៅឡើយ គឺជាសណ្ឋាគារដំបូងគេបង្អស់ក្នុងលោកដែលមានទីតាំងក្នុងជម្រៅដី៩០ម៉ែត្រ ដែលជាកន្លែងជីកយកថ្មមានទឹកធ្លាក់។
សាងសង់នៅជាប់នឹងភ្នំធៀនម៉ា ក្នុងស្រុកសុងជៀន សៀងហៃ ប្រទេសចិន និងចម្ងាយ ៥០គីឡូម៉ែត្រពីទីប្រជុំជនក្រុង ជាសណ្ឋាគារប្រណីតមួយដែលត្រូវបានរចនាប្លង់ដោយស្ថាបត្យករអង់គ្លេស លោក Martin Jochman។ ត្រូវបានសាងសង់ដោយផ្ទាល់នៅលើទីតាំងគាស់យកថ្មដែលគេបានបោះបង់ចោលមួយ ដោយមានបន្ទប់ខ្លះស្ថិតនៅក្រោមទឹកជាមួយនឹងទឹកជ្រោះហូរឆ្លងកាត់ និងទិដ្ឋភាពមិនគួរឱ្យជឿពីជាន់ខាងលើ។
 |
| The Shimao Wonderland |
មានការពន្យារពេលប៉ុន្មានដងមុនឆ្នាំ២០១៤ ប៉ុន្តែចាប់តាំងពីឆ្នាំ២០១៥មក ការបង្កើនប្រសិទ្ធភាពគំនូសប្លង់ និងការសាងសង់នៅនឹងកន្លែងបានឆ្ពោះទៅមុខក្នុងជំហានលឿន ហើយជាចុងក្រោយម្ចាស់របស់សណ្ឋាគារបានប្រកាសបើកសម្ពោធជាផ្លូវការកាលពីឆ្នាំមុន។ បច្ចុប្បន្ន រចនាសម្ព័ន្ធសំខាន់ស្ទើរតែទាំងស្រុងត្រូវបានបញ្ចប់ទៅហើយ និងកំពុងដំណើរការការងារបំពាក់គ្រឿងបរិក្ខារ។
យោងតាមគេហទំព័រ HOMECRUX សណ្ឋាគារលំដាប់ផ្កាយប្រាំនេះត្រូវបានរំពឹងថា នឹងបើកដំណើរការនៅចុងឆ្នាំ២០១៨។ វាមាន១៩ជាន់ ក្នុងនោះ១៧ជាន់ស្ថិតនៅក្រោមដី ដោយមាន២ជាន់ក្រោមទឹក និង២ជាន់នៅខាងលើរណ្ដៅ។ វានឹងមានបន្ទប់ស្នាក់នៅប្រហែល៣៨០ទៅ៤០០បន្ទប់ បន្ទប់សន្និសីទធំទូលាយ បន្ទប់ទទួលភ្ញៀវ ភោជនីយដ្ឋាន អាងហែលទឹកតូច និងអាងហែលទឹកដ៏ធំមួយ។ មានជាន់ក្រោមទឹកចំនួនពីរផ្ដល់នូវសម្ភារៈកីឡាក្នុងទឹក និងផ្ទះភោជនីយដ្ឋានមួយ ដែលទល់មុននឹងអាងចិញ្ចឹមត្រីដែលមានជម្រៅដប់ម៉ែត្រ។ វាក៏មានការប្រើប្រាស់ថាមពលកកើតឡើងវិញ ក្នុងការរចនាឡើងដើម្បីធ្វើឱ្យវាក្លាយជាអាគារដែលមិនប៉ះពាល់ដល់បរិស្ថានផងដែរ។
 |
| The Shimao Wonderland |
 |
| The Shimao Wonderland |
 |
| The Shimao Wonderland |
សណ្ឋាគារជម្រៅ៩០ម៉ែត្រក្នុងដីលើកដំបូងក្នុងលោកស្ថិតនៅប្រទេសចិន
Reviewed by Komsan4KhmerHD
on
April 01, 2018
Rating:
Reviewed by Komsan4KhmerHD
on
April 01, 2018
Rating:
